DÜNYA


Böyük Britaniyada kral III Henrinin dövrünə aid sikkə tapılıb

London, 24 yanvar, AZƏRTAC

Böyük Britaniyada kral III Henrinin dövrünə aid sikkə tapılıb.

AZƏRTAC xəbər verir ki, ölkənin cənub-qərbində yerləşən Devon şəhərində əkinçilik sahəsində tapılan qızıl sikkənin 1257-ci ildə zərb edildiyi müəyyənləşib.

Sikkənin üzərində kral bir əlində qlobus, digərində isə əsa tutmuş şəkildə təsvir olunub. Zərb edilən pulların günümüzə qədər gəlib çatmış cəmi 8 nümunəsinin olduğu vurğulanıb.

Hərraca çıxarılan qızıl qəpiyin 400 min funt sterlinqə alıcı tapacağı gözlənilir.

Kral III Henri 1216-cı ildən 1272-ci ilə qədər (ölümünə qədər) Britaniyanı idarə edib və o, ölkə tarixində ən uzun hökmranlıq edən krallardan biridir.

Qeyd edək ki, Böyük Britaniyanın 1996-cı il Xəzinədarlıq Qanununa əsasən, sikkəni tapan şəxs, daha geniş bir kəşfin bir hissəsi olmasa sikkəni saxlaya və ya sata bilər.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.