CƏMİYYƏT


Böyük Britaniyada yaşayan azərbaycanlı qadınlar BP-nin məsul işçisi ilə görüşüb

London, 21 yanvar , AZƏRTAC

Azərbaycan Respublikasının Böyük Britaniyadakı səfirliyində Britaniyada yaşayan Azərbaycanlı Qadınların Assosiasiyasının (AWA) təşkil etdiyi “Ruhlandıran söhbətlər”in ilk qonağı 2018-ci ildən etibarən “British Petroleum” (BP) şirkətinin London ofisində qlobal biznes xidmətlərində insan resursları üzrə direktor vəzifəsində çalışan azərbaycanlı Leyla Novruzova olub.

Görüş zamanı L.Novruzova onu dinləməyə gələn azərbaycanlı və xaricdən olan xanımlar ilə karyerasının ilk günlərindən bu günədək olan təcrübəsini bölüşüb, iş həyatının çətin və eyni zamanda, maraqlı tərəfləri, insan resursları sahəsində işin özəllikləri, ailə və karyera arasındakı balansın qorunub saxlanması haqqında məlumat verib.

Daha sonra o, görüş iştirakçılarının suallarını cavablandırıb.

 

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.