DÜNYA


Böyük Britaniyanın Baş Naziri Avropa İttifaqı liderləri ilə görüşəcək

London, 17 oktyabr, AZƏRTAC

Böyük Britaniyanın Baş Naziri Boris Conson Avropa İttifaqı liderlərinin görüşü üçün Belçikanın paytaxtı Brüsselə yola düşəcək.

AZƏRTAC xəbər verir ki, B.Conson Avropa Şurası sammitindən istifadə edərək yenilənmiş müqaviləni imzalayacaq.

Şənbə günü Parlamentin tarixi iclasında razılaşma üçün səsvermə keçiriləcək. Əgər müqavilə parlament tərəfindən təsdiqlənərsə ölkə Aİ-ni oktyabrın 31-də tərk edəcək. Əks təqdirdə Baş Nazir müxalif millət vəkillərinin qəbul etdiyi qanunvericilik şərtlərinə əsasən Brexitin təxirə salınmasını razı olacaq.

Mənbələrdən verilən məlumata görə, Baş Nazir, Şimali İrlandiya üçün yenidən hazırlanmış planını dəstəkləmək üçün Mühafizəkarlar və Demokratik Birlik Partiyalarının nümayəndələrini inandırmağa çalışır. Hər iki qrupun dəstəyi parlamentdə razılıqların əldə edilməsi üçün əsas olacaq.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.