DÜNYA


Böyük Britaniyanın dörd naziri Brexit vaxtını təxirə salmağı tələb edir

Bakı, 21 fevral, AZƏRTAC

Böyük Britaniyanın dörd nüfuzlu naziri ölkənin Avropa İttifaqını sazişsiz tərk etməsinə yol verməmək üçün hökumət başçısı Tereza Meydən Brexit vaxtını təxirə salmağı tələb edib.

AZƏRTAC “The Sun” qəzetinə istinadla xəbər verir ki, əks-təqdirdə nazirlər Tereza Meyi “qiyamla” hədələyib və gələn həftə Brexit vaxtını təxirə salmaq məsələsini parlamentin müzakirəsinə çıxarmaq təşəbbüsünə səs verəcəklərini bildiriblər. Baş nazirə çağırış təşəbbüsü ilə əmək və təqaüd işləri üzrə nazir Ember Radd, lord-kansler və ədliyyə naziri Devid Qok, biznes, energetika və sənaye strategiyası məsələləri üzrə nazir Qreq Klark və Şotlandiya məsələsi üzrə nazir Devid Mandell çıxış ediblər.

Nazirlərin dəstəklədiyi Brexit barədə qanun layihəsinə düzəlişi leyborist deputat İvett Kuper və onun mühafizəkarlar partiyasından olan həmkarı Oliver Letuin irəli sürüb. Həmin təşəbbüs üzrə səsvermə fevralın 27-də İcmalar Palatasında keçiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.