DÜNYA


Böyük Britaniyanın kəşfiyyat gəmisi Batumi limanına daxil olub

Tbilisi, 29 dekabr, AZƏRTAC

Böyük Britanıyanın Hərbi Dəniz Qüvvələrinə məxsus “Exo” kəşfiyyat gəmisi dekabrın 29-da Gürcüstanın Acarıstan Muxtar Respublikası ərazisindəki Batumi limanına daxil olub.

AZƏRTAC xəbər verir ki, gəmi limanda iki gün qalacaq. Böyük Britaniyanın Gürcüstandakı səfirliyindən bildirilib ki, “Exo” gəmisinin Batumi limanına daxil olması Krallığın Qara dənizdə təhlükəsizliyə dəstək verməsi məqsədi daşıyır. Bu, həm də, iki ölkənin müdafiə və təhlükəsizlik sahəsində uğurlu əməkdaşlığının göstəricisidir.

Məlumat üçün qeyd edək ki, bundan bir qədər əvvəl NATO Qara dənizdə Gürcüstan ilə əməkdaşlığı gücləndirəcəyi barədə məlumat yaymışdı.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.