Böyük Britaniyanın maliyyə və səhiyyə nazirləri istefa veriblər

London, 5 iyul, AZƏRTAC

Böyük Britaniyanın maliyyə naziri Rişi Sunak və səhiyyə naziri Sacid Cavid istefa veriblər.

AZƏRTAC xəbər verir ki, 2020-ci ildən maliyyə naziri olan Sunak bildirib ki, xalq haqlı olaraq hökumətdən düzgün, bacarıqlı və ciddi davranışlar gözləyir.

2021-ci ildən nazir postunda çalışan Sacid Cavid isə öz tviter hesabında açıqlama verərək istefa ərizəsini təqdim etmək üçün Baş nazirlə görüşdüyünü vurğulayıb.

Nazirlərin istefasının Mühafizəkarlar Partiyasının Parlamentdəki qrup meneceri Kris Pinçer haqqında çıxan xəbərlə bağlı olduğu düşünülür.

Aynurə Tağıyeva

AZƏRTAC-ın xüsusi müxbiri

London