MƏDƏNİYYƏT


Böyük Teatrda azərbaycanlı musiqiçilərin iştirakı ilə “İolanta” operası oynanılacaq

Bakı, 21 fevral, AZƏRTAC

Aprelin 6-7-də və mayın 25-26-da Rusiya Dövlət Akademik Böyük Teatrında P.Çaykovskinin “İolanta” operası nümayiş olunacaq.

AZƏRTAC teatrın saytına istinadla xəbər verir ki, mayın 25-də səhnə əsərində İolantanı Azərbaycanın Xalq artisti Dinara Əliyeva (soprano) canlandıracaq. Operanın nümayiş etdiriləcəyi bütün tarixlərdə mavritaniyalı həkim İbn Hakianın partiyasını Azərbaycanın Xalq artisti Elçin Əzizov (bariton) ifa edəcək.

Dinara Əliyeva 2009-cu ildən Rusiya Böyük Teatrının solistidir. Dünyanın məşhur opera teatrı səhnələrində və konsert zallarında çıxış edib. İfaçının 2010-cu ildə Bakıda məşhur tenor Plasido Dominqo ilə birgə konserti olub. Onun C.Verdinin anadan olmasının 200 illiyi münasibətilə Fransanın Kolmar və Çexiyanın Praqa şəhərlərində “Qala Verdi” adlı solo konsertləri böyük uğurla keçib. 2015-ci və 2017-ci illərdə Moskvada Dinara Əliyevanın “Opera Art” beynəlxalq musiqi festivalları keçirilib.

2008-ci ildən Böyük Teatrın solisti olan Elçin Əzizov P.Çaykovskinin “İolanta” və “Qaratoxmaq qadın”, N.A.Rimski-Korsakovun “Çar gəlini”, J.Bizenin “Karmen”, M.Musorqskinin “Boris Qodunov”, C.Verdinin “Traviata”, “Don Karlos”, A.Borodinin “Knyaz İqor” operalarında yaddaqalan obrazlar yaradıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.