REGİONLAR


“Böyük Xocavar” komandası Masallıda keçirilən mini futbol üzrə açıq rayon birinciliyinin qalibi olub

Masallı, 11 iyun, Bağır Əliyev, AZƏRTAC

Masallı Rayon Gənclər və İdman İdarəsinin təşkilatçılığı ilə Təzə Alvadı kəndindəki futbol meydançasında 28 May - Respublika Gününə həsr olunmuş böyüklər arasında mini futbol üzrə açıq rayon birinciliyi başa çatıb.

AZƏRTAC-ın bölgə müxbiri xəbər verir ki, mayın 15-dən start götürən və beş qrupda keçirilən açıq rayon birinciliyində Masallı və Cəlilabaddan, ümumilikdə, 20 komanda qələbə uğrunda mübarizə aparıb.

Yarımfinal oyunlarında daha inamlı oyun nümayiş etdirən “Böyük Xocavar” və “Binə Xocavar” komandaları finalda qarşılaşıblar.

Gərgin idman mübarizəsi şəraitində keçən final qarşılaşmasında əsas vaxtda qalib müəyyənləşməyib - 2:2.

Əsas oyun heç–heçə bitdiyindən qalibləri müəyyənləşdirmək üçün qapılara yeddi metrlik cərimə zərbələri təyin olunub.

“Böyük Xocavar” komandası cərimə zərbələrini daha dəqiq yerinə yetirərək 4:3 hesabı ilə rəqibinə qalib gəlib və açıq rayon birinciliyinin qalibi olub.

Qaliblər Masallı Rayon Gənclər və İdman İdarəsi tərəfindən kubok və diplomlarla mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.