CƏMİYYƏT


Braziliyada Azərbaycanın Vətən müharibəsində şəhid olanların xatirəsi anılıb

Bakı, 16 noyabr, AZƏRTAC

Braziliyanın 100 minlik erməni icmasının əsas hissəsinin yaşadığı San-Paulu şəhərindəki kilsələrin birində Azərbaycanın bu ölkədəki dostlarının təşəbbüsü və səfirliyinin dəstəyi ilə işğal altındakı ərazilərimizin azadlığı uğrunda döyüşlərdə şəhid olan Azərbaycan əsgərlərinin və erməni terroruna məruz qalan mülki əhalinin xatirəsinə həsr edilmiş anım mərasimi keçirilib.

Ölkəmizin Braziliyadakı səfirliyindən AZƏRTAC-a bildiriblər ki, anım mərasimində kilsənin keşişi Azərbaycan hərbçilərinin ölkəmizin suverenliyi uğrunda müharibədə göstərdiyi qəhrəmanlıq və dinc azərbaycanlıların Ermənistanın hərbi təcavüzü nəticəsində çəkdikləri əzablar haqqında məlumatların əks olunduğu müraciəti oxuyub.

Azərbaycanın Braziliyadakı səfirliyi bu təşəbbüsə görə tədbir təşkilatçılarına minnətdarlıq üçün kilsəyə xatirə çələngi göndərib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.