DÜNYA


Braziliyada xəstəxanada baş verən yanğın nəticəsində 11 nəfər ölüb

Bakı, 13 sentyabr, AZƏRTAC

Dünən axşam saatlarında Braziliyanın Rio-de-Janeyro şəhərindəki Hospital Badim xəstəxanasında baş verən güclü yanğın nəticəsində azı 11 nəfər həlak olub. Ölənlərin cəsədləri bu gün səhər binanın içərisində aşkarlanıb.

AZƏRTAC “Globo” qəzetinə istinadla xəbər verir ki, ilkin məlumata əsasən, yanğın qısa qapanma nəticəsində başlayıb. Tüstü qısa müddətdə bütün binaya yayılıb. Hadisə zamanı klinikada 103 pasient və xəstəxananın 220-dən çox əməkdaşı olub. Xəstələrin əksəriyyəti təcili təxliyə olunaraq digər müalicə müəssisələrinə göndərilib.

Hazırda insidentin baş verdiyi rayonda xilasetmə işləri davam etdirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.