DÜNYA


Brexit turizm sektorunda çalışan 700 min nəfəri işsiz qoya bilər

Bakı, 5 fevral, AZƏRTAC

Turizm və səyahətlər üzrə beynəlxalq şuranın (World Travel & Tourism Council, WTTC) hesablamasına görə, Brexit turizm sahəsində çalışan 700 min insanın işsiz qalması ilə nəticələnə bilər.

AZƏRTAC Associated Press informasiya agentliyinə istinadla xəbər verir ki, təşkilatın məlumatına əsasən, əgər Brexit gələcək münasibətlər barədə sazişsiz baş versə, Böyük Britaniyada turizm sahəsində 308 min, Avropa İttifaqı ölkələrində isə 399 min iş yeri təhlükə altında qalacaq.

Bütün dünya üzrə turizm və səyahət sektorunu təmsil edən beynəlxalq şuranın proqnozu Beynəlxalq Valyuta Fondunun məlumatlarına əsaslanır.

WTTC-nin baş icraçı direktoru və prezidenti Qloriya Gevaranın sözlərinə görə, “sərt Brexit” Böyük Britaniyanın əsas gəlir sahələrindən biri olan turizmə nəzərəçarpacaq dərəcədə təsir edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.