DÜNYA


Britaniya əhalisinin yarıdan çoxuna koronavirusa qarşı peyvəndin hər iki dozası vurulub

London, 4 iyun, AZƏRTAC

Böyük Britaniya əhalisinin yarıdan çoxuna koronavirusa qarşı peyvəndin hər iki dozası vurulub. Krallıqda 6 ay əvvəl başlayan kütləvi vaksinasiya kampaniyası çərçivəsində 26 milyon 422 min 303 nəfər iki doza peyvənd olunub.

Səhiyyə katibi Met Hankok ölkə əhalisinin dörddə üçünün 1-ci doza peyvənd olunduğunu açıqlayıb.

Hökumət iyulun sonuna qədər yetkinlik yaşına çatmış insanlara tək doza peyvənd veriləcəyini, iyunun 21-nə qədər isə 50 yaşdan yuxarı şəxslərin iki doza peyvənd olunacağını vəd edib.

Hazırda Britaniyada dörd peyvənddən istifadə olunur.

Həmçinin Səhiyyə Nazirliyinə bağlı Xalq Sağlamlığı Birliyi, Hindistan variantının ölkədəki dominant koronavirus növünə çevrildiyini açıqlayıb.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.