DÜNYA


Britaniyada benzinin qiyməti yeni tarixi maksimuma yüksəlib

Bakı, 25 may, AZƏRTAC

Böyük Britaniyada bir litr benzinin orta qiyməti 1,7 funt-sterlinqə (2,13 dollar) çatıb. Bu, ölkədə statistikanın aparıldığı dövr ərzində ən yüksək göstəricidir.

AZƏRTAC Sky News telekanalına istinadla xəbər verir ki, Böyük Britaniyada dizel yanacağının qiymətində də maksimal artım qeydə alınıb. Hazırda dizel yanacağının bir litri orta hesabla 1,81 funt-sterlinqə (2,26 dollar) satılır. Bir il öncə Birləşmiş Krallıqda benzin və dizel yanacağının orta qiymətləri müvafiq olaraq 1,29 və 1,31 funt-sterlinq təşkil edirdi.

Ölkədə yanacağın qiymətinin kəskin artmasına, ilk növbədə, Qərb dövlətlərinin Rusiya qarşı tətbiq etdiyi sanksiyalar səbəb olub. Birləşmiş Krallıq da öz növbəsində 2022-ci ilin sonuna qədər Rusiya neftinin idxalına qadağa qoyub. Sanksiyalar enerji sektorunu da əhatə etdiyi üçün yanacağın qiymətində nəzərəçarpacaq artım baş verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.