DÜNYA


Brüsselli həkim yeni il lotereyasında 7,5 milyon avro udub

Bakı, 8 yanvar, AZƏRTAC

Brüsseldə həkim yeni il milli lotereyasının cekpotunu udaraq 7,5 milyon avro qazanıb.

AZƏRTAC xarici KİV-lərə istinadla xəbər verir ki, xoşbəxt qalib həmin vəsaitin bir hissəsini övladlarına ayıracağını və xeyriyyəçiliyə sərf edəcəyini, qalan pulları isə daşınmaz əmlaka və şərab istehsalına yatıracağını bildirib.

Belçika sakinləri üçün Avropanın EuroMillions lotereyası daha düşərli olub. 2018-ci ilin noyabrında o, qalibinə 50 milyon avrodan çox qazandırıb. Ötən ilin avqustunda daha bir belçikalı həmin lotereyada 108 milyon avroya yaxın pul udub. 2016-cı ildə isə Brüssel şəhərinin küçə təmizləyicisi krallıq tarixində ən iri uduşa - 168 milyon avroluq cekpota sahib olmuşdu. 2017-ci ildə digər iki xoşbəxt belçikalı EuroMillions vasitəsilə 153 və 23 milyon avro udmuşdu.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.