DÜNYA


Bu gün İstanbulun yeni hava limanı istifadəyə veriləcək

Bakı, 29 oktyabr, AZƏRTAC

Oktyabrın 29-da Türkiyə Prezidenti Rəcəb Tayyib Ərdoğanın iştirakı ilə İstanbulun yeni hava limanının ilk növbəsinin açılış mərasimi keçiriləcək.

AZƏRTAC Türkiyənin NTV telekanalına istinadla xəbər verir ki, ümumilikdə 76,5 milyon kvadratmetrlik ərazini əhatə edən aeroportun tikintisinə və xidmətə hazır vəziyyətə gətirilməsinə 6 milyard avro vəsait xərclənib. Hava limanının digər etaplarının açılması isə sərnişin artımından asılı olaraq 2023-cü ilə qədər tamamlanmalıdır.

Özəl sektorlar vasitəsi ilə inşa edilən aeroportun tikintisi başa çatdıqdan sonra o, 6 müstəqil qalxma-enmə zolağı, 500 təyyarə tutumu, 70 min avtomobil üçün nəzərdə tutulan açıq və qapalı dayanacaq və ildə 200 milyon sərnişin həcmi ilə dünyanın ən böyük hava limanı olacaq.

İstanbulun mədəni və memarlıq dəyərlərini özündə cəmləyən aeroportun tikinti işlərinə 250-dən çox memar və 500-dən artıq mühəndis cəlb edilib.

Hava limanında ilk daxili reys oktyabrın 31-də Ankaraya, ilk xarici reys noyabrın 1-də Şimali Kipr Türk Cümhuriyyətinə həyata keçiriləcək. Noyabrın 8-də isə İstanbulun yeni aeroportundan Azərbaycana uçuş baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.