İDMAN


Bu gün Şəhriyar Məmmədyarov “Superbet Chess Classic”də sonuncu görüşünü keçirəcək

Bakı, 14 may, AZƏRTAC

Bu gün Rumıniyanın paytaxtı Buxarestdə “Grand Chess Tour” seriyasının ilk mərhələsi olan “Superbet Chess Classic” şahmat turnirinin 9-cu turunun oyunları keçiriləcək.

AZƏRTAC xəbər verir ki, yarışda iştirak edən Azərbaycan şahmatçısı Şəhriyar Məmmədyarov son turda ABŞ təmsilçisi Levon Aronyanla üz-üzə gələcək. Şahmatçımız qara fiqurlarla mübarizə aparacaq.

Qeyd edək ki, Ş.Məmmədyarov 1, 5, 8-ci turlarda ABŞ təmsilçiləri Uesli So, Fabiano Karuana və Leyner Domingesə uduzub. Digər turlarda macarıstanlı Riçard Rapport, Maksim Vaşye-Laqrav (Fransa), Boqdan Daniel-Deak (Rumıniya) və Alireza Firuzca (Fransa) ilə heç-heçə edib, 7-ci turda isə rusiyalı Yan Nepomnyaşini (FIDE) məğlub edib.

Şahmatçımız hazırda 3 xalla R.Rapportla birlikdə 9-10-cu pillələri bölüşür. Dairəvi sistem üzrə təşkil olunan turnirin ümumi mükafat fondu 350 min ABŞ dollarıdır.

Xatırladaq ki, Ş.Məmmədyarov 2021-ci ildə keçirilmiş “Superbet Chess Classic” turnirinin qalibi olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.