İDMAN


Bu gün UEFA Avropa və Konfrans liqalarında qrup mərhələsinin birinci turunun oyunları keçiriləcək

Bakı, 16 sentyabr, AZƏRTAC

Sentyabrın 16-da futbol üzrə UEFA Avropa Liqasının və UEFA Konfrans Liqasının 2021-2022-ci il mövsümünün qrup mərhələsinin birinci turunun oyunları keçiriləcək.

AZƏRTAC xəbər verir ki, turun ilk oyun günündə Avropa Liqasında 15, Konfrans Liqasında isə 14 görüş baş tutacaq.

Ölkəmizi Konfrans Liqasında təmsil edən “Qarabağ” klubu yer aldığı “H” qrupundakı ilk oyunda İsveçrənin “Bazel” komandası ilə üz-üzə gələcək. Bakı Olimpiya Stadionunda keçiriləcək görüş saat 20:45-də başlayacaq. Bu qrupun digər görüşü Qazaxıstanın “Kayrat” və Kiprin “Omoniya” komandaları arasında keçiriləcək.

UEFA Avropa Liqasında Türkiyənin turnirdəki təmsilçilərindən “Qalatasaray” İtaliyanın “Latsio” klubunu qəbul edəcək. “Fənərbağça” isə Almaniyada “Ayntraxt Frankfurt” komandasının qonağı olacaq.

Hər iki turnirin digər oyunları aşağıdakılardır:

UEFA Avropa Liqası:

A qrupu

“Bröndbü” (Danimarka) - "Sparta Praqa” (Çexiya);

“Qlazqo Reyncers” (Şotlandiya) – “Lion" (Fransa).

B qrupu

“Monako” (Fransa) – “Şturm Qrats” (Avstriya);

PSV (Niderland) – “Real Sosyedad” (İspaniya).

C qrupu

“Lester Siti” (İngiltərə) – “Napoli” (İtaliya).

D qrupu

“Ayntraxt” (Frankfurt, Almaniya) – “Fənərbağça” (Türkiyə);

“Olimpiakos” (Yunanıstan) – “Antverpen” (Belçika).

E qrupu

“Qalatasaray” (Türkiyə) – “Latsio” (İtaliya);

“Lokomotiv” (Moskva, Rusiya) – “Marsel” (Fransa).

F qrupu

“Midtüllan” (Danimarka) – “Ludoqorets” (Bolqarıstan);

“Srvena Zvezda” (Belqrad, Serbiya) – “Braqa” (Portuqaliya).

G qrupu

“Bayer Leverkuzen” (Almaniya) – “Ferentsvaroş” (Macarıstan);

“Betis” (İspaniya) – “Seltik” (Şotlandiya).

H qrupu

“Dinamo Zaqreb” (Xorvatiya) – “Uest-Hem Yunayted” (İngiltərə);

“Rapid Vyana” (Avstriya) – “Genk” (Belçika).

UEFA Konfrans Liqası:

A qrupu

HİK (Finlandiya) - LASK (Avstriya).

B qrupu

“Flora” (Estoniya) – “Gent” (Belçika);

“Anortosis” (Kipr) – “Partizan” (Serbiya).

C qrupu

“Budyo Qlimt” (Norveç) – “Zarya Luqansk” (Ukrayna);

“Roma” (İtaliya) – MOİK (Sofiya, Bolqarıstan).

D qrupu

“Randers” (Danimarka) – “AZ Alkmar” (Niderland);

“Yablonets” (Çexiya) – “ÇFR Kluj” (Rumıniya).

E qrupu

“Slaviya Praqa” (Çexiya) – “Union Berlin” (Almaniya).

F qrupu

“Linkoln” (Cəbəllütariq) - PAOK (Yunanıstan);

“Slovan” (Bratislava, Slovakiya) – “Kopenhagen” (Danimarka).

G qrupu

“Mura” (Sloveniya) – “Vitess” (Niderland);

“Renn” (Fransa) – “Tottenhem” (İngiltərə).

H qrupu

“Kayrat” (Qazaxıstan) – “Omoniya” (Kipr);

“QARABAĞ” (AZƏRBAYCAN) – “Bazel” (İsveçrə).

Qeyd edək ki, Avropa Liqasında C qrupunun sentyabrın 15-də keçirilmiş görüşündə Polşanın “Legiya” klubu səfərdə Rusiyanın “Spartak” komandasını məğlub edib (1:0). Konfrans Liqasında isə ilk iki oyun sentyabrın 14-də keçirilib. Təl-Əvivin “Makkabi” klubu evdə Ermənistanın “Alaşkert” komandasını darmadağın edib - 4:1. “Makkabi Hayfa” isə Niderlandın “Feyenoord” komandası ilə qolsuz heç-heçə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.