İQTİSADİYYAT


Bu gün “World Net Summit”in son iki tədbiri keçiriləcək

Bakı, 14 may, AZƏRTAC

Nəqliyyat, Rabitə və Yüksək Texnologiyalar Nazirliyinin dəstək verdiyi “World Net Summit” onlayn konfransının mayın 14-də son 2 tədbiri – “Corporate Innovation Forum” və “Venture Summit” təşkil ediləcək.

Nazirlikdən AZƏRTAC-a bildirilib ki, konfransın “Corporate Innovation Forum” fazası 16:30-18:00 saatlarında Lütfi Zadə Texnologiya Mərkəzinin nümayəndəsi İmran Bağırovun moderatorluğu ilə keçiriləcək. Spiker qismində “Microsoft Azərbaycan” şirkətinin baş meneceri Qaçay Mirzəyev, “EY” şirkətinin Rəqəmsal strategiya, kibertəhlükəsizlik və texnologiyalar bölməsinin rəhbəri Anar Cəfərzadə, “Pabora.io”nun strateji tənzimləmə texnologiyaları üzrə məsləhətçisi Patrik Boşçer və “Kaspersky”nin texniki satış eksperti Aleksandr Simonov iştirak edəcək.

“Venture Summit” fazası 18:30-20:00 saatları aralığında “Innoland” İnkubasiya və Akselerasiya Mərkəzinin direktoru Məmməd Kərimin moderatorluğu, “NextechVentures” şirkətinin idarəçi tərəfdaşı Daniel Hastik, “Fintek” sahibkarı və texnologiya investoru Qaurav Dhar, “DAAL” Vençur Fondunun baş investisiya inzibatçısı Leva Abuxait, “mələk investor” Fərid Musayev və Özbəkistan Vençur Fond Assosiasiyasının idarə heyətinin sədri Dilşod Zufarovun spiker kimi iştirakı ilə baş tutacaq.

Tədbirlər “Facebook” (https://www.facebook.com/netsummit/) sosial şəbəkəsi və “YouTube” (https://www.youtube.com/channel/UCv72EWEAQKBQdHX0ZB1fYLw) üzərindən canlı yayımlanacaq.

Digər fazalar barədə ətraflı məlumatı tədbirin saytında (https://worldnetsummit.com/home) qeydiyyatdan keçməklə əldə etmək mümkündür. Qeydiyyatdan keçənlərin elektron poçt ünvanlarına tədbirlər canlı yayımlanan zaman bildiriş göndərilir.

Xatırladaq ki, 8 böyük tədbiri əhatə edən “World Net Summit” onlayn konfransı Nəqliyyat, Rabitə və Yüksək Texnologiyalar Nazirliyinin, Birləşmiş Millətlər Təşkilatının İnkişaf Proqramının, “SUP VC” və “Innoland” İnkubasiya və Akselerasiya Mərkəzinin dəstəyi, BP şirkətinin baş sponsorluğu və “Net Summit LLC”nin təşkilatçılığı ilə keçirilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.