İDMAN


Bu gün yeniyetmə həndbolçularımız Fransa və Finlandiya təmsilçiləri ilə qarşılaşacaqlar

Bakı, 2 iyul, AZƏRTAC

Bu gün İsveçin Höteburq şəhərində 16 yaşadək qızlar arasında həndbol üzrə 14-cü açıq Avropa turnirinə start verilir.

AZƏRTAC Avropa Həndbol Federasiyasına istinadla xəbər verir ki, turnirdə 20 komanda dörd qrupda mübarizə aparır. 2002-2003-cü il təvəllüdlü qızlardan ibarət Azərbaycan millisi “C” qrupunda Fransa, İspaniya, Finlandiya və İslandiya yığmaları ilə yarışacaq.

Turnirin qaydalarına əsasən, hər komanda gün ərzində iki oyun keçirəcək. Təmsilçilərimiz ilk yarış günündə Fransa və Finlandiya həndbolçuları ilə üz-üzə gələcəklər.

Xatırladaq ki, turnirdə ilk yeddi yeri tutan yığmalar gələn il iyulun 20-dən 28-dək Bakıda keçiriləcək Avropa Gənclər Yay Olimpiya Festivalına vəsiqə qazanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.