İQTİSADİYYAT


Bu gündən 168 və 186 nömrəli avtobuslar bir marşrut xətti üzrə fəaliyyət göstərir

Bakı, 11 sentyabr, AZƏRTAC

Sentyabrın 11-dən 168 və 186 nömrəli avtobuslar bir marşrut xətti üzrə fəaliyyət göstərir.

Bakı Nəqliyyat Agentliyindən AZƏRTAC-a bildirilib ki, 168 və 186 nömrəli müntəzəm marşrut xətlərinin birləşdirilərək bir nömrə (186 nömrə) altında təşkil edilməsinə qərar verilib. Bu gündən yeni xətt üzrə sərnişindaşıma fəaliyyəti əsaslı təmir olunan nisbətən iritutumlu avtobuslarla həyata keçirilir.

Qeyd edək ki, 168 və 186 nömrəli müntəzəm marşrut xətləri üzrə istismar edilən avtobusların texniki vəziyyəti, kiçiktutumlu olması, eləcə də digər çatışmazlıqlar barədə vətəndaşlardan “Alo141” Çağrı mərkəzinə mütəmadi müraciətlər daxil olurdu. Hər iki marşrut xətti üzrə hərəkət sxemlərinin üst-üstə düşməsi də öz növbəsində əlavə problemlərə gətirib çıxarırdı.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.