REGİONLAR


Bu günədək Zaqatalada 30,5 ton yaş barama istehsal olunub

Zaqatala, 12 iyun, Mustafa Dadaşov, AZƏRTAC

Zaqatala rayonunda istehsalçılardan yaş barama tədarükü davam edir. Kümçülər rayonda yeni istifadəyə verilən Baramaqurutma Müəssisəsinin qəbul məntəqəsinə indiyədək 30,5 ton yaş barama təhvil veriblər.

AZƏRTAC-ın bölgə müxbiri xəbər verir ki, builki mövsümdə Zaqatala rayonunda yaş barama istehsalının ötən illə müqayisədə 10 ton artırılaraq, 46 tona çatdırılması proqnozlaşdırılır. Barama yetişdirmək üçün 271 kümçü ilə müqavilə bağlanılıb, onlara 1150 qutu, yəni 21 kiloqram 850 qram ipəkqurdu paylanılıb.

Qəbul məntəqəsindən verilən məlumata görə, Lahıc kəndindən Nurlan Məmmədov hələlik məntəqəyə rayon üzrə hamıdan çox – 313 kiloqram yaş barama təhvil verib. Muğanlı kəndindən Şakir Dəmirov bu günədək məntəqəyə 310 kiloqram, Üçüncü Tala kəndindən Mahmud Mahmudov isə 285 kiloqram yaş barama gətirib.

Barama tədarükü prosesi “Azəripək” MMC-nin tədarük üzrə mütəxəssisinin iştirakı ilə həyata keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.