Bakı, 7 iyun, AZƏRTAC

Bu il Cəlilabadda yeni peşə təhsili müəssisəsi açılacaq.

AZƏRTAC xəbər verir ki, bunu Peşə Təhsili üzrə Dövlət Agentliyinin direktoru vəzifəsini müvəqqəti icra edən Ceyhun Kərəmov media nümayəndələri ilə keçirilən görüşdə deyib. Onun sözlərinə görə, orada heyvandarlıq sahəsi tədris olunacaq: “Bunun üçün heyvandarlıq sahəsi hazırlanılıb. Müəssisədə əkinçilik, bitkiçilik üzrə ixtisaslar olduğu üçün müəssisəyə yaxın ərazilərdə əkin-biçin işləri aparılacaq”.

Ceyhun Kərəmov qeyd edib ki, ilin sonunda Lənkəranda yeni peşə təhsili müəssisəsi hazır olacaq. Burada turizm, hotelçilik tədris ediləcək.