DÜNYA


Bu il Macarıstanda yenidən “VOLT” musiqi festivalı keçiriləcək

Budapeşt, 10 may, AZƏRTAC

Koronavirus pandemiyası ilə bağlı fasilədən sonra bu il Macarıstanda yenidən “VOLT” festivalı keçiriləcək.

AZƏRTAC xəbər verir ki, Mərkəzi Avropada ən populyar musiqi festivallarından biri olan “VOLT” festivalı iyulun 5-dən 9-dək təşkil olunacaq. Festivalın keçiriləcəyi məkan kimi yenə Şopron şəhəri seçilib. Avstriya-Macarıstan sərhədindəki bu şəhər ona görə münasib sayılır ki, Vyanadan 60 kilometr, Budapeştdən 200 kilometr və Bratislavadan 90 kilometr məsafədə yerləşir.

Dörd gün ərzində 12 musiqi məkanında təqribən 190 proqram təqdim ediləcək.

Festivala musiqinin müxtəlif janrlarını təmsil edən sənətkarlar toplaşacaqlar. Burada rok, pop, caz, hip-hop, həmçinin texnomusiqi və dünya xalqlarının musiqisi səslənəcək.

Festival günlərində Şopron şəhərinin tarixi mərkəzində təşkil olunacaq mədəni proqramlar və yarmarkalar turistlərin yaddaşında unudulmaz xatirələr kimi qalacaq.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.