REGİONLAR


Bu il Qax Dövlət Kukla Teatrında dörd yeni tamaşa hazırlanacaq

Qax, 11 yanvar, Mustafa Dadaşov, AZƏRTAC

Qax Dövlət Kukla Teatrında Osman Abdullayevin “Qoğal” rus xalq nağılı əsasında qələmə aldığı eyniadlı nağıl-tamaşa üzərində məşqlərə başlanılıb.

Mədəniyyət Nazirliyi tərəfindən təsdiq edilmiş repertuar-plan əsasında hazırlanan yeni tamaşanın quruluşçu rejissoru Əməkdar artist Yusif Abdurahmanov, rəssamı Mayis Abdullayev, musiqi tərtibatçısı Nərmin Fətəliyevadır. Tamaşada əsas rolları teatrın aktyorları Araz Mehrablı, Azər Kərimov, Afət Yaqubova, Nuru Mustafayev və başqaları oynayırlar. Tamaşa uşaqlara Novruz bayramı ərəfəsində təqdim olunacaq.

Teatrın direktoru Nazim Mahmudov AZƏRTAC-ın bölgə müxbirinə bildirib ki, builki mövsümdə teatrda, həmçinin ingilis yazıçısı Redyard Kiplinqin “Mauqli”, İsveç yazıçısı Astrid Linqrenin “Karlson” və rumın xalq nağılı əsasında “Günəş və qar adamlar” əsərlərinin də səhnələşdirilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.