REGİONLAR


Bu il Saatlıda 23 min hektardan çox sahədə payızlıq taxıl əkilməsi planlaşdırılıb

Saatlı, 27 noyabr, Mahir Babayev, AZƏRTAC

Saatlıda taxılçılıq əsas təsərrüfat sahələrindən hesab olunur. Fermerlər təsərrüfatın bu sahəsinə böyük maraq göstərdiklərindən rayonda məhsul istehsalı ilbəil artır.

Rayon Dövlət Aqrar İnkişaf Mərkəzindən AZƏRTAC–ın bölgə müxbirinə bildiriblər ki, saatlılı taxılçılar ötən ilin payızında 22 min 986 hektar sahədə taxıl əkiblər. Bunun da 5 min 254 hektarını arpa, 17 min 732 hektarını isə buğda sahələri təşkil edib. Əkinçilər cari ildə biçin apardıqları arpa sahələrindən 19 min 127, buğda zəmilərindən isə 76 min 421 ton məhsul götürüblər. Məhsul istehsalçıları taxıl sahələrindən ümumilikdə 95 min 548 ton taxıl götürərək, hər hektarın məhsuldarlığını 41.6 sentnerə çatdırıblar.

Qazanılmış uğurlardan ruhlanan fermer və torpaq mülkiyyətçiləri gələn ildə də yüksək nəticələr əldə etmək üçün səpin kampaniyasına vaxtında başlayıblar. “Aqrolizinq” ASC tərəfindən bütün lazımi səpin aqreqatları ilə təmin olunan əkinçilər qısa müddətdə 10 min 708 hektar sahədə səpin aparıblar ki, bunun da 3 min 423 hektarı arpa, 10 min 285 hektarı isə buğdadır. Sahibkarlar səpin zamanı daha çox rayonlaşdırılmış məhsuldar toxum sortlarının əkininə üstünlük verirlər. Əkinçilər gün ərzində 150-200 hektar sahəyə toxum səpirlər.

Qeyd edək ki, saatlılı taxılçılar bu il 23 min hektardan çox sahədə payızlıq taxıl əkməyi planlaşdırıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.