REGİONLAR


Bu il Zaqatalanın qarğıdalı sahələrində orta məhsuldarlıq 56,6 sentner olub

Zaqatala, 25 noyabr, Mustafa Dadaşov, AZƏRTAC

Zaqatala rayonunun təsərrüfatlarında qarğıdalı yığımı başa çatıb. Bu il rayonun torpaq mülkiyyətçiləri 3 min 537 hektar sahədə dən üçün qarğıdalı yetişdiriblər. Cari mövsümdə rayonda 20 min 19,4 ton dən qarğıdalı istehsal olunub. Hər hektardan orta hesabla 56,6 sentner məhsul götürülüb.

Bu barədə AZƏRTAC-ın bölgə müxbirinə Zaqatala Dövlət Aqrar İnkişaf Mərkəzinin bitkiçilik sektorunun müdiri Vaqif Şabanov məlumat verib.

Qurum rəsmisinin sözlərinə görə, builki mövsümdə rayonun Yengiyan, Makov, Danaçı və Göyəm kəndlərinin qarğıdalı sahələrində hər hektardan məhsuldarlıq daha yüksək - 95-100 sentner olub.

Cari ildə rayonda 201 hektar sahədə dən və yaşıl yem üçün təkrar qarğıdalı da əkilib. İndiyədək yaşıl yem üçün qarğıdalı əkilmiş sahələrin 58 hektarında biçin aparılıb, 852 ton yaşıl kütlə əldə olunub. Dən üçün təkrar qarğıdalı əkilmiş sahələrin 123 hektarında da biçin başa çatdırılıb, 627 ton məhsul istehsal olunub. Hər hektardan 51 sentner məhsul götürülüb.

Qeyd edək ki, zaqatalalı fermerlər ötənilki mövsümdə 3 min 536 hektar qarğıdalı sahəsindən 19 min 970 ton məhsul əldə ediblər. Dən qarğıdalı istehsalı əvvəlki illə müqayisədə 232 ton artıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.