İQTİSADİYYAT
Bu ilin 3-cü rübü ərzində “ASAN imza” sertifikatlarının sayı 49 min 531 ədəd olub
Bakı, 12 noyabr, AZƏRTAC
Vergilər Nazirliyi və mobil operator tərəfindən verilən “ASAN imza” ilə bütün e-xidmətlərdən istifadə etmək mümkündür. Sözügedən imza gücləndirilmiş elektron imza vasitəsi olduğundan, onunla imzalanan sənədlər ölkə qanunvericiliyinə əsasən əl ilə edilmiş imzaya bərabər sayılır.
AZƏRTAC “vergilər.az” saytına istinadla bildirir ki, bu ilin 3-cü rübü ərzində “ASAN imza” sertifikatlarının sayı 49 min 531 ədəd olub. Onlardan 25551-i “Şəxsi”, 22,825-i “İş”, 1155-i isə “Dövlət və bələdiyyə” tipli sertifikatlar təşkil edib.
Ötən ilin müvafiq dövründə isə verilən “ASAN imza” sertifikatlarının sayı 33,734 ədəd olub. Bu rəqəmlərin müqayisəsi göstərir ki, 2016-cı ilin 3-cü rübündə verilən “ASAN imza” sertifikatlarının sayı ötən ilin müvafiq dövrü ilə müqayisədə 46,8 faiz çoxdur.