Bakı, 17 iyun, AZƏRTAC

Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) gəlirlərində artım sürəti bu ilin yanvar-may aylarında da davam edib.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, həmin dövrdə fondun gəlirləri ötən ilin müvafiq dövrü ilə müqayisədə 6,6 faiz və ya 142,8 milyon manat artaraq 2 302,1 milyon manat olub.

DSMF gəlirlərinin tərkibində məcburi dövlət sosial sığorta haqları üzrə daxilolmalar 8,4 faiz (118,8 milyon manat) artaraq 1 527,7 milyon manat təşkil edib.

Yanvar-may aylarında fondun əhaliyə ödənişlər üzrə xərcləri 5,1 faiz artaraq 2 012,8 milyon manat olub.