REGİONLAR
Bu ilin birinci yarısında Yardımlıda əhaliyə 37 milyon 505 min manatlıq ticarət xidməti göstərilib
Yardımlı, 27 iyul, Bağır Əliyev, AZƏRTAC
Bu ilin birinci yarısında Yardımlı rayonunun pərakəndə ticarət şəbəkəsində istehlakçılara 37 milyon 505 min manatlıq, o cümlədən 24 milyon 182 min manatlıq ərzaq məhsulları, içkilər və tütün məmulatları, 13 milyon 323 min manatlıq qeyri-ərzaq malları satılıb.
Bu barədə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.
Bildirilib ki, ötən ilin müvafiq dövrü ilə müqayisədə rayonda pərakəndə ticarət dövriyyəsi real ifadədə 104,4 faiz, o cümlədən: ərzaq məhsulları, içkilər və tütün məmulatları üzrə 104,9 faiz, qeyri-ərzaq malları üzrə isə 103,6 faiz təşkil edib.
İstehlak məhsullarının dəyər ifadəsində 3,2 faizi ticarət müəssisələri, 96,8 faizi isə fərdi sahibkarlar tərəfindən realizə olunub.
Ötən ilin eyni dövrü ilə müqayisədə rayonda pərakəndə ticarət dövriyyəsi real ifadədə hüquqi şəxslər üzrə 1,9 dəfə, fərdi sahibkarlar üzrə isə 2,8 faiz artıb.
Ticarət şəbəkəsində bir nəfər rayon sakini orta hesabla ayda 58,3 manatlıq ərzaq məhsulları, içkilər və tütün məmulatları, 32,1 manatlıq qeyri-ərzaq malları istehlak edib.
Altı ay ərzində rayonda qeyri-dövlət mülkiyyətinə aid hüquqi şəxs statuslu statistik subyektlər üzrə 1217,6 min manatlıq topdansatış əmtəə dövriyyəsi qeydə alınıb. Bu, ötən ilin müvafiq dövrü ilə müqayisədə 1021,9 min manat və yaxud 6,2 dəfə çoxdur.