DÜNYA


Budapeştdə ABŞ-ın daha bir sabiq prezidentinin xatirəsi əbədiləşdiriləcək

Budapeşt, 14 sentyabr, AZƏRTAC

Macarıstanın paytaxtında, ABŞ-ın bu ölkədəki səfirliyinin binası yaxınlığında Amerika Birləşmiş Ştatlarının 41-ci prezidenti ata Corc Buşa abidə ucaldılacaq.

AZƏRTAC xəbər verir ki, bu barədə ABŞ-ın Macarıstandakı səfirliyi özünün xüsusi bəyanatında bildirib.

Bəyanatda deyilir ki, abidənin açılışı oktyabrın 23-də təşkil olunacaq və həm Macarıstanda, həm də bütün Mərkəzi və Qərbi Avropada kommunizmin süqutunun 30 illiyinə həsr ediləcək.

Macarıstan hökumətinin bəyanatında deyilir ki, bu qərar demokratiyanı müdafiə etməsi və kommunist diktaturasının əleyhinə olması ilə gələcək Macarıstanın quruculuğuna öz töhfəsini verən siyasətçiyə təşəkkür və minnətdarlıq nümunəsidir.

Xatırladaq ki, ata Corc Buş prezident qismində Macarıstana rəsmi səfər edən ilk ABŞ prezidenti olub.

Ölkənin səfirliyi Budapeştin mərkəzindəki Sabadşaq-terdə (Azadlıq meydanı) yerləşir. Burada, həmçinin ata Corc Buşun sələfi, ABŞ-ın 40-cı prezidenti Ronald Reyqana da abidə ucaldılıb.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.