CƏMİYYƏT


Budapeştdə gənc soydaşlarımızla görüş keçirilib

Bakı, 8 oktyabr, AZƏRTAC

Azərbaycan Diasporuna Dəstək Fondu (ADDF) nümayəndə heyətinin Macarıstana səfəri çərçivəsində paytaxt Budapeştdə yerləşən Azərbaycan Evində bu ölkədə yaşayan və təhsil alan gənc soydaşlarımızla görüş keçirilib.

Diasporla İş üzrə Dövlət Komitəsindən AZƏRTAC-a bildiriblər ki, əvvəlcə Vətən müharibəsi şəhidlərinə ehtiram əlaməti olaraq Azərbaycan Evində yaradılmış anım guşəsinin önünə güllər düzülüb və şamlar yandırılıb.

Vətən müharibəsi şəhidlərinin xatirəsinin bir dəqiqəlik sükutla yad edilməsi ilə başlayan görüşdə Macarıstanda təhsil alan 40-a yaxın azərbaycanlı gənc iştirak edib.

ADDF-in icraçı direktorunun müavini Şahin Camalov Fondun vəzifə və məqsədləri, fəaliyyət istiqamətləri, gerçəkləşdirdiyi layihələr və gələcək planları barədə geniş məlumat verib.

Azərbaycan Evinin yeni rəhbəri İbrahim Səfərli evin gələcək fəaliyyət istiqamətlərindən danışıb.

Geniş fikir mübadiləsi ilə davam edən tədbirdə gənclər müxtəlif layihələrlə bağlı ideya və təkliflərini səsləndiriblər.

Tədbir Macarıstanda təhsil alan Günel Ələkbərova (piano) və Elnur Namazovun (gitara) ifasında Anım Gününə həsr olunmuş musiqi nömrələrinin təqdimatı ilə yekunlaşıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.