“Bulud texnologiyaları” üzrə seminar keçiriləcək

Bakı, 15 iyun, AZƏRTAC

İyunun 18-də Nəqliyyat, Rabitə və Yüksək Texnologiyalar Nazirliyinin İnformasiya-Kommunikasiya Texnologiyalarının Tətbiqi və Tədrisi Mərkəzinin (İKT LAB) təşkilatçılığı ilə “Bulud texnologiyaları” üzrə seminar keçiriləcək.

AZƏRTAC xəbər verir ki, seminarın təşkilində məqsəd ölkədə bulud texnologiyaları sahəsi üzrə gənc mütəxəssislərin bilik və bacarıqlarının artırılmasıdır. Seminarda bulud texnologiyaları üzrə karyera yolları və trendləri haqqında məlumat təqdim olunacaq.

Eyni zamanda, peşəkar mütəxəssis Mirceyhun Musayevin yeni hazırladığı “Microsoft Azure - Təhlükəsizlik Mexanizmləri” kitabının təqdimatı olacaq.

Seminar iyunun 18-də saat 20:00-da “Zoom” platforması üzərindən onlayn keçiriləcək. Bu link (https://forms.gle/WnHeKSP3JeCYjXH58) vasitəsilə seminar haqqında ətraflı məlumat əldə etmək və iştirak üçün qeydiyyatdan keçmək mümkündür.

Seminarda iştirak ödənişsizdir.