DÜNYA


Bundesver köhnəlmiş texnologiyaları alır

Berlin, 25 sentyabr, AZƏRTAC

Almaniya ordusu yaxın gələcəkdə təxminən 600 milyon avro sərmayə qoymağa hazırlaşır. Maraqlıdır ki, bu investisiyalar tamamilə köhnəlmiş texnologiyanın alınmasına yönəldiləcək.

AZƏRTAC “Der Spiegel” nəşrinə istinadla xəbər verir ki, Berlin Fransa hərbi sənayesi ilə 1970-ci illərin sonunda Almaniya quru qoşunları üçün hazırlanmış standart SEM 80/90 rasiyasının sifarişi ilə bağlı saziş imzalayıb.

Radiostansiya Almaniya şirkəti tərəfindən hazırlanıb, lakin şirkətin bir hissəsi fransızlar tərəfindən alınıb. İndi almanların qonşuları köhnə radionu demək olar ki, sıfırdan başlayaraq - eyni formatda və eyni bağlantılarla yaratmalıdırlar ki, onu Almaniya Silahlı Qüvvələrinin bütün avtomobillərinə asanlıqla quraşdıra bilsinlər. “Der Spiegel” nəşri bildirir ki, bu zaman hətta ən cüzi modernləşmədən belə çəkinmək lazımdır.

Kontraktın məbləği 600 milyon avroya çatır. “Der Spiegel” nəşrini heyrətləndirən budur ki, sifarişin köhnəlmiş avadanlıqla əlaqəli olması istehzaya səbəb olur.

 

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.