Bütün alətlər üzrə keçirilən birja əqdlərinin ümumi dövriyyəsi 11,2 dəfə artmışdır

Bakı, 14 fevral (AZƏRTAC). Cari ilin yanvarında Bakı Fond Birjasında (BFB) bütün alətlər üzrə keçirilən birja əqdlərinin ümumi dövriyyəsi ötən ilin müvafiq dövrü ilə müqayisədə 11,2 dəfə artaraq 1,483 milyard manat təşkil etmişdir.

Ölkənin fond bazarının belə artımı dövlət qiymətli kağızlar bazarının 917,14 faiz artması hesabına baş vermişdir. Bununla yanaşı, korporativ qiymətli kağızlar bazarında da 1703,88 faiz artım müşahidə edilmişdir.

Dövlət qiymətli kağızlar bazarının həcmi yanvarda təqribən 1,18 milyard manat, korporativ kağızlar bazarının dövriyyəsi isə 303,23 milyon manat olmuşdur.