MƏDƏNİYYƏT


CABİR NOVRUZUN XATİRƏ GECƏSİ

Rəşid Behbudov adına Mahnı Teatrında xalq şairi Cabir Novruzun xatirə gecəsi keçirilmişdir.

Tədbirdə Milli Məclisin deputatları – Azərbaycan Yazıçılar Birliyinin sədri Anar, şair Zəlimxan Yaqub çıxış edərək, milli poeziyamızın inkişafında Cabir Novruzun xidmətlərindən, şairin qüdrətli publisistikasından, ədəbi qəzet və jurnallarda fəaliyyətindən söz açmışlar.

Gecədə Mərkəz Qacarın “Təklik məni təklədi...” və Cabir Novruzla bəstəkar Oqtay Kazıminin “Sağlığında qiymət verin insanlara” (mahnılar) kitablarının təqdimatı da olmuşdur.

Birinci kitaba şairin C.Novruza həsr etdiyi poema daxil edilmişdir. Burada mərhum şairimiz oxucuya böyük insan, bütöv şəxsiyyət, qürurlu söz ustası kimi təqdim olunur.

İkinci kitabda isə şairin şerləri, bəstəkarın isə həmin sözlərə yazdığı mahnıların notu verilmişdir.

Gecədə bədii qiraət ustalarının ifasında C.Novruzun şerləri səslənmiş, müğənnilər şairin sözlərinə yazılmış mahnıları ifa etmişlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.