CƏMİYYƏTDƏ SAHİBKARLARIN MÖVQEYİ MÖHKƏMLƏNMİŞDİR

“Azərbaycan Respublikasında kiçik və orta sahibkarlığın inkişafının Dövlət Proqramı (2002-2005-ci illər)” ilə nəzərdə tutulmuş tədbirlər üğurla həyata keçirilir.

İqtisadi İnkişaf Nazirliyindən AZƏRTAC-ın müxbirinə bildirmişlər ki, Proqramın qəbul edildiyi vaxtdan keçən müddət ərzində Azərbaycan sahibkarları cəmiyyətdə öz mövqelərini möhkəmləndirmişlər. Onlara qarşı əhalinin, başlıcası, xarici investorların etimadı artmışdır. Belə ki, 2003-cü ilin sonuna olan məlumata görə, ölkəmizdə xarici maliyyə vəsaiti ilə fəaliyyət göstərən 3210 şirkət qeydiyyatdan keçmişdir.

Qurumun nümayəndəsi xüsusi vurğulamışdır ki, bu, Azərbaycanda hökm sürən siyasi və sosial-iqtisadi sabitlik sayəsində mümkün olmuşdur.