“CƏMİYYƏTİN İNKİŞAFINDA QADINLARIN ROLU” MÖVZUSUNDA DƏYİRMİ MASA KEÇİRİLMİŞDİR

AZƏRTAC xəbər verir ki, Bakının Səbail rayonunun təhsil şöbəsində Qadın Problemləri üzrə Dövlət Komitəsi və rayon icra hakimiyyəti “Cəmiyyətin inkişafında qadınların rolu” mövzusunda birgə “dəyirmi masa” keçirmişlər.

Tanınmış təhsil işçilərinin, mütəxəssislərin və ictimaiyyət nümayəndələrinin iştirak etdiyi tədbirdə “Müstəqil Azərbaycanın həyatında qadınların rolu”, “Qadın və təhsil”, “Qadın və səhiyyə”, “Qadın və iqtisadiyyat” və digər mövzularla bağlı müzakirələr aparılmışdır.