CƏMİYYƏT


Çağırışçı gənclər arasında “Qarabağ” peyntbol turniri keçirilmişdir VİDEO

Bakı, 25 iyun (AZƏRTAC). İyunun 25-də ASAN Könüllüləri Gənclər Təşkilatının və Azərbaycan Respublikası Peyntbol Federasiyasının birgə təşkilatçılığı ilə Şüvəlandakı “Arena” idman klubunda gənc çağırışçılar arasında ilk dəfə “Qarabağ” peyntbol turniri keçirilmişdir.

AZƏRTAC xəbər verir ki, 26 İyun – Silahlı Qüvvələr Günü münasibətilə keçirilən, vətənpərvərliyin və hərbi xidmətin təşviqi məqsədi daşıyan turnirdə ASAN könüllülərindən ibarət 8 komandanı təmsil edən 40 çağırışçı gənc iştirak etmişdir.

Turnirin finalında Gəncə və Sumqayıt şəhərlərinin komandaları mübarizə aparmışlar. Gərgin mübarizə şəraitində keçən qarşılaşmada üstünlük qazanan Gəncə komandası “Qarabağ” peyntbol turnirinin qalibi olmuşdur. Çağırışçı gənclər belə turnirlərin onları hərbi xidmətə daha da həvəsləndirdiyini bildirmişlər.

Sonda turnirin qaliblərinə mükafatlar təqdim edilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.