REGİONLAR


Çalınan “Son zəng” 1409 tərtərli məzunu müstəqil həyata səsləyib

Tərtər, 14 iyun, AZƏRTAC

İyunun 14-də Tərtər rayonunun 34 tam, 10 ümumi orta məktəbində “Son zəng” çalınıb. Rayon üzrə 602 nəfər şagird XI, 807 nəfər şagird isə IX sinfi bitirib.

AZƏRTAC-ın bölgə müxbiri xəbər verir ki, “Son zəng” tədbirləri rayonun məktəblərində təntənəli qeyd olunub. Məktəblərdə təşkil olunan “Son zəng” tədbirlərində rayon icra hakimiyyətinin, idarə, müəssisə və təşkilatların nümayəndələri, valideynlər də iştirak ediblər. Bütün ümumtəhsil məktəblərində tədbirlər Dövlət bayrağının gətirilməsi, dövlət himninin səsləndirilməsi ilə başlanıb. Rəngarəng musiqi nömrələri, müəllimlərin, məzunların çıxışları bir-birini əvəz edib.

“Son zəng” mərasimlərində iştirak edən rayon icra hakimiyyətinin başçısı Müstəqim Məmmədov məzunları təbrik edib, hansı peşəyə yiyələnməsindən asılı olmayaraq öz bilik və bacarıqları ilə Azərbaycanın inkişafına töhfələr verməyi, dövlətimiz üçün layiqli vətəndaş, ailələri üçün layiqli övlad olmalarını arzulayıb.

Məktəblilərin musiqili-bədii çıxışları ilə davam edən tədbirlər iştirakçılara xoş və duyğulu anlar yaşadıb. Çalınan “Son zəng” isə məzunları sinif otaqlarına deyil, müstəqil həyata səsləyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.