Bakı, 28 avqust, AZƏRTAC

İngiltərənin “Çelsi” klubu Fransanın “Paris Sen-Jemen” komandasının müdafiəçisi Tiaqo Silvanı transfer edib.

AZƏRTAC klubun rəsmi saytına istinadla xəbər verir ki, London təmsilçisi braziliyalı futbolçu ilə birillik müqavilə imzalayıb.

Qeyd edək ki, Tiaqo Silva parislilərin heyətində 2012-ci ildən çıxış edib. Tiaqo 315 oyunda 17 qol və 5 məhsuldar ötürmə ilə yadda qalıb.