İDMAN


“Çelsi” ötən il transferlərə ən çox pul xərcləyən klub olub

Bakı, 19 yanvar, AZƏRTAC

FIFA 2020-ci ildə futbol klublarının transfer fəaliyyəti ilə bağlı hesabatı təqdim edib.

AZƏRTAC qurumun saytına istinadla xəbər verir ki, ötən il Avropada transferlərə ən çox pul xərcləyən klub “Çelsi” olub. Bu göstəricidə ikinci “Mançester Yunayted”dir. İlk üçlüyü “Mançester Siti” qapayır. Dördüncü və beşinci pillələrdə müvafiq olaraq “Barselona” və “Yuventus” klubları qərarlaşıblar.

Qeyd edək ki, “Çelsi” klubu ötən ildə “Bayer Leverkuzen”dən Kay Havertzi (80 milyon), “Leyptsiq”dən Timo Verneri (53 milyon), “Lester Siti”dən Ben Çilueli (50 milyon), “Ayaks”dan Hakim Ziyeçi (40 milyon) və “Renn”dən Eduard Mendini (24 milyon) transfer edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.