İDMAN


Çempion tennisçi: Məqsədimə nail oldum, qızıl medalı qazandım

Bakı, 27 iyul, Şahnaz Abdullayeva, AZƏRTAC

XV Avropa Gənclər Yay Olimpiya Festivalına qələbəyə inanaraq gəlmişdim. Məqsədimə nail oldum, qızıl medalı qazandım. “EYOF Bakı 2019” mənim üçün unudulmaz olacaq.

Bu sözləri AZƏRTAC-a müsahibəsində “EYOF Bakı 2019” XV Avropa Gənclər Yay Olimpiya Festivalında tennis üzrə oğlanlar arasında fərdi yarışların ispaniyalı qızıl medalçısı Daniel Merida deyib.

“Final oyunu gözlədiyimdən asan keçdi. Festivalın digər yarışlarında iştirak edən həmyerlilərim tribunadan məni dəstəkləyirdilər. Bu da məni qələbə qazanmağa ruhlandırırdı. Sevinirəm ki, onların da inamını doğrultdum. Hər bir idmançının ən böyük arzusu beynəlxalq arenalarda dövlət himnini səsləndirməkdir. Mən bunu bacardım! Azərbaycana “EYOF Bakı 2019”a yüksək səviyyədə ev sahibliyi etdiyinə və idmançılara hər cür şərait yaratdığına görə təşəkkür edirəm”, - deyə çempion tennisçi vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.