SİYASƏT


Çexiyanın Karl Universitetinin tələbələri Azərbaycan həqiqətləri barədə məlumatlandırılıb

Praqa, 10 may, AZƏRTAC

Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Çexiyanın Karl Universitetinin Fəlsəfə fakültəsinin tələbələrinə Azərbaycanın müasir tarixi barədə mühazirə oxuyub. O, müstəqilliyini bərpa etdikdən sonra Azərbaycanda həyata keçirilən islahatlar, layihələr haqqında tələbələrə geniş məlumat verib. Sədr, həmçinin Azərbaycanın qonşu dövlətlərlə, Avropa İttifaqı və Çin ilə münasibətlərindən də danışıb. O, Azərbaycanın Avropanın enerji təhlükəsizliyinin və enerji mənbələrinin şaxələndirilməsinin təmin olunmasında oynadığı mühüm rola toxunaraq, yaxın gələcəkdə TAP layihəsinin istismara verilməsindən sonra tərəflər arasında əlaqələrin daha da inkişaf edəcəyini bildirib. F.Şəfiyev tələbələrə Ermənistan-Azərbaycan Dağlıq Qarabağ münaqişəsi haqqında da məlumat verib. Sonda tələbələri maraqlandıran suallar cavablandırılıb.

 

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.