İDMAN


Çimərlik futbolu üzrə Azərbaycan millisi İtaliyada dünya çempionatının növbəti mərhələsinə vəsiqə qazanıb

Jesolo, 9 sentyabr (AZƏRTAC). Xəbər verdiyimiz kimi, çimərlik futbolu üzrə Azərbaycan milli komandası İtaliyanın Jesolo şəhərində keçirilən dünya çempionatının seçmə mərhələsində iştirak edir. Millimiz ilk görüşündə Çexiya yığmasını 4:1 hesabı ilə məğlub edib. İkinci görüşdə İspaniya futbolçuları ilə qarşılaşan komandamız 5:3 hesabı ilə məğlub olub.

Növbəti oyunda Bolqarıstan yığmasını 3:2 hesabı ilə məğlub edən futbolçularımız çempionatın növbəti mərhələsinə vəsiqə qazanıblar.

Matçda Hikmət Bağırov, Sabir Allahquliyev və Amid Nəzərov hərəyə bir dəfə fərqləniblər.

Dünya çempionatı sentyabrın 14-dək davam edəcək.

Maqsud Dadaşov

AZƏRTAC-ın xüsusi müxbiri

Jesolo

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.