İDMAN


Çimərlik futbolu üzrə Portuqaliya millisi Bakıda Fransa yığmasını məğlub edib

Bakı, 23 iyun, AZƏRTAC

Portuqaliya millisi Bakıda çimərlik futbolu üzrə Avropa Liqası turnirində ikinci qələbəsini qazanıb.

AZƏRTAC xəbər verir ki, iyunun 23-də Su İdman Sarayının ərazisində yerləşən Avropa Oyunları Parkında keçirilən turnirin ikinci turunda Portuqaliya millisi Fransa yığması ilə üz-üzə gəlib.

Qarşılıqlı hücumlar şəraitində keçən oyunda Portuqaliya futbolçuları 5:3 hesablı qələbə qazanıblar.

Portuqaliya millisi növbəti oyununu iyunun 24-də Azərbaycan, Fransa isə Belarus yığmasına qarşı keçirəcək.

İkinci oyun gününün birinci qarşılaşmasında İsveçrə millisi Almaniya yığmasını böyük hesabla məğlub edib – 10:2.

İkinci tura iyunun 23-də keçiriləcək İtaliya-Ukrayna və Azərbaycan-Belarus oyunları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.