İDMAN


Çimərlik güləşi üzrə komandamız İspaniyada 3 medal qazanıb

Bakı, 19 iyun, AZƏRTAC

İspaniyada çimərlik güləşi üzrə Dünya Seriyasının 2-ci mərhələsi keçirilib.

AZƏRTAC xəbər verir ki, Pontevedra şəhərinin Sanxenxo qəsəbəsində təşkil olunan turnirdə ölkəmizi baş məşqçi Oyan Nəzərianinin rəhbərliyi altında Ramiz Həsənov (70 kq), Omid Kamaliaqdam (80 kq) və İbrahim Yusubov (90 kq) təmsil ediblər. O.Kamaliaqdam bütün rəqiblərinə qalib gələrək fəxri kürsünün ən yüksək pilləsinə qalxıb. İ.Yusubov gümüş, R.Həsənov isə bürünc medal qazanıblar. Beləliklə, Azərbaycan 1 dəst medalla komanda hesabında 2-ci yeri tutub.

Qeyd edək ki, Dünya Seriyasının 3-cü mərhələsi iyulun 1-2-də Fransada keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.