İDMAN


Çimərlik həndbolu üzrə ölkə çempionatının oyun cədvəli müəyyənləşib

Bakı, 16 avqust, AZƏRTAC

Avqustun 18-20-də Bakı Su İdmanı Sarayında keçiriləcək çimərlik həndbolu üzrə ikinci Azərbaycan çempionatının oyun cədvəli müəyyənləşib.

Azərbaycan Həndbol Federasiyasından AZƏRTAC-a verilən məlumata görə, çempionatın açılış oyunu saat 09:30-da qadın komandalar arasında keçiriləcək. “İdman Akademiyası” komandası “Azəryol-2” klubu ilə qarşılaşacaq.

Qadınlar arasında matçlar bitdikdən sonra saat 17:45-də yarışın açılış mərasimi keçiriləcək. Daha sonra kişi həndbolçular arasında oyunlara start veriləcək. Kişilər arasında turun ilk qarşılaşması “Məhsul” komandası ilə Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM) təmsilçiləri arasında oynanılacaq.

Yarışın ilk iki günü qadın həndbolçulardan ibarət hər klub meydana iki, kişi komandalar isə bir dəfə çixacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.