REGİONLAR


Çimərlik voleybolu üzrə yoldaşlıq görüşündə “Culfa” komandası qalib gəlib

Naxçıvan, 28 iyul, AZƏRTAC

Muxtar respublikanın idman mərkəzlərindən biri olan Uzunoba Təlim-Məşq İdman Kompleksində çimərlik voleybolu üzrə yoldaşlıq görüşü təşkil edilib.

Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, “Zərərli vərdişlərə yox deyək, həmişə sağlam olaq!” devizi ilə keçirilən voleybol matçında “Naxçıvan” və “Culfa” komandaları qarşılaşıb.

Nəticəyə gəlincə, görüş culfalıların 1:2 hesablı qələbəsi ilə yekunlaşıb. Gənclər və İdman Nazirliyi və Voleybol Federasiyasının birgə təşkilatçılığı ilə reallaşan oyunun sonunda hər iki komandaya voleybol topları hədiyyə edilib.

Yoldaşlıq görüşü muxtar respublikada voleybol idman növünün inkişafına təkan vermək və irimiqyaslı yarışlar üçün hazırlıq məqsədilə təşkil olunub.

Qeyd edək ki, bu il aprelin 3-də Uzunoba Təlim-Məşq İdman Kompleksinin istifadəyə verilməsi ilə çimərlik futbolu stadionunda voleybol oyunlarının keçirilməsi üçün də əlverişli zəmin yaranıb. Bu önəmli hadisə ilə Naxçıvanda uzun illərə dayanan voleybol ənənələri də yeni mərhələyə qədəm qoyub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.