CƏMİYYƏT


Çimərliklərdə vətəndaşların təhlükəsizliyinin təmin olunması diqqət mərkəzində saxlanılır

Bakı, 15 may, AZƏRTAC 

Mayın 15-də Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin və Aran Regional Mərkəzinin təşkilatçılığı ilə Mingəçevir Şəhər İcra Hakimiyyətində “Su hövzələrində təhlükəsizliyin təmin olunması” mövzusunda müşavirə keçirib.

FHN-dən AZƏRTAC-a bildiriblər ki, tədbirdə Mingəçevir şəhəri ərazisindəki su hövzələrində keçirilən monitorinqin nəticələri barədə məlumat verilib. Aşkarlanan nöqsanlar fotoslaydlarla nümayiş olunaraq yerli icra orqanlarının rəhbərləri ilə müzakirə edilib, bu barədə məlumatlar aidiyyəti qurumların əməkdaşlarının diqqətinə çatdırılıb.

Toplantıda yay mövsümündə çimərliklərdə vətəndaşların təhlükəsizliyinin təmin olunması qaydaları, maarifləndirmə işinin vəziyyəti, ölkə ərazisindəki su hövzələrində həyata keçirilmiş təhlükəsizlik tədbirlərindən söhbət açılıb.

Sonda “Su hövzələrində təhlükəsizlik və davranış qaydaları”na dair videoçarx nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.