DÜNYA


Çin ABŞ-ı “Bir kəmər, bir yol” forumunda iştiraka çağırıb

Pekin, 8 fevral, AZƏRTAC

Çin qapılarını ABŞ-ın üzünə daha geniş açacaq və ikinci “Bir kəmər, bir yol” forumunda iştirak üçün Birləşmiş Ştatlarla əməkdaşlıq edəcək.

AZƏRTAC xəbər verir ki, bunu Çinin Vaşinqtondakı səfiri Çuy Tyankay bəyan edib. O, Çin və ABŞ-ın dünyanın ən iri iki iqtisadiyyatına sahib ölkələr olduğunu vurğulayaraq, tərəflərin bir-birinə daha açıq olmaqla, böyük imkanlardan faydalana biləcəklərini deyib. Çin diplomatı ABŞ-ı apreldə Pekində keçiriləcək ikinci “Bir kəmər, bir yol” forumunda iştirak etməyə çağırıb və ölkəsinin bundan məmnun olacağını bildirib.

Qeyd edək ki, Çin Xalq Respublikasının Sədri Si Cinpin irəli sürdüyü “Bir kəmər, bir yol” təşəbbüsü ilə əlaqədar ilk beynəlxalq forum 2017-ci ilin mayında Pekində keçirilib. Növbəti forumun cari ilin aprelində yenidən Pekində təşkili planlaşdırılıb.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.